दीपशंकर चाैलागाई

पब्लिक समाचारदाता

दोलखा २४ जेठ ।लेनदेनका कारण भीमेश्वर नगरपालिका–१ सुष्पाक्षमावतीमा एक बृद्धको हत्या भएकाे जिल्ला प्रहरी कार्यालय दाेलखाले जनाएको छ । लेनदेनका कारण हत्या भएको दोलखा प्रहरीले जनाएको छ ।

भीमेश्वर नगरपालिका–१ का ७७ वर्षीय बृद्ध झिलकवहादुर बिश्वकर्मा बाट एक बर्ष अघि दुई लाख ऋण ऋण लिएकाे र मारेपछि तिर्नै नपर्ने भनी छिमेकी ५२ बर्षिय गणेश घिमिरेले हत्या गरेकाेप्रहरीले पत्रकार सम्मेलन गरि सार्वजनिक गरेको छ ।

जिल्ला प्रहरी कार्यालय दोलखाले हत्या आरोपीलाई सार्वजनिक गर्दै बृद्धको हत्या गरी भागेर काठमाडौं पुगेका घिमिरे लाई पक्राउ गरि सार्वजनिक गरेकाे हाे।
जिल्ला प्रहरी कार्यालय दाेलखाकाे हत्यारा पत्ता लगाउने ईतिहासमा हत्याएकाे सबै भन्दा छिटो समयमा बर्तमान नेतृत्वले हत्या आरोपीलाई पक्राउ गरि सार्वजनिक गरेकाे नागरिक समाज दाेलखाले जनाएको छ।

घिमिरेले एक बर्ष अघि बिकवाट ऋण स्वरुप २ लाख रुपैयाँ लिएको र उक्त ऋणवाट मुक्त हुने नियतले बृद्धको हत्या गरिएको प्रारम्भिक अनुषन्धानवाट खुलेको पत्रकार सम्मेलनमा प्रहरी नायव उपरिक्षक युवराज खड्काले जानकारी दिनु भएकाेछ ।
क्षमावती घर भई काठमाडौंको हाँडिगाउँ बस्दै आएका घिमिरे दिवालीलागि गाउँ आएका बेला बृद्धको हत्या गरेका हुन् घिमिरेले भन्नुभयो “जेठ १७ गते बिकलाई हत्या गरी घरपरिवारमा कसैलाइ नभनी काठमाडौं फर्किएका र उनले जेठ १७ गते विहान आफ्नो घरवाट हथौडा लिएर गई पछाडिवाट टाउकोमा प्रहार गरी हत्या गरेका हुन।”

शवलाई मकैबारीभित्र ढुँगाले थिचेर राखी फरार भएको प्रहरी नायव उपरीक्षक खड्काले दावि गर्नुभयो ।

श्रीमती बिरामी भएर उपचारकालागि काठमाडौं गएको र छोराछोरी समेत काठमाडौंमै भएकाे अबस्थामा एक्लै बस्दै आएका बिकलाई घिमिरेले फलामे हम्मरले हानी ढुङ्गाले थिचेर हत्या गरेकाे प्रहरी अनुसन्धान देखिएकाे प्रनाउ खड्काले बताउनुभयो ।

जेठ १९ गते स्थानीयले बिकको घरको ढोका ३ दिनदेखि नखुलेको र चौपाया समेत कराइरहेको प्रहरीलाई खवर गरेका थिए । त्यसको भोलिपल्ट बिकको शव घर नजिकैको मकैवारीमा ढुँगाले थिचिएको र सडेगलेको अवस्थामा फेला परेको थियो ।

प्रहरी हिरासतमा रहेका घिमिरेलाई कर्तव्य ज्यान सम्वन्धी मुद्धामा दोलखा जिल्ला अदालतवाट ५ दिन म्याद थप गरी अनुषन्धान भइरहेको डिएसपी खड्काले जानकारी दिनुभयो ।