पब्लिक समाचारदाता
चरिकाेट १६ बैशाख । भिमेश्वर नगरपालिकामा मोटरसाइकल दुर्घटना हुँदा तारादलगण चरिकोटका दुई सैनिक घाईते भएका छन् ।
भिमेश्वर मन्दिर दर्शन गरि फर्केने क्रममा दाेलखाबजार नजिक सिंहवनकाे सडकमा मोटरसाइकल दुर्घटना भएकाे हाे ।
तारादल गण चरिकोटमा फर्किने क्रममा प्रदेश नम्बर ३–०२–०१० प ९११७ नम्बरको मोटरसाइकल दुर्घटना हुँदा तारादल गणमा कार्यरत दुई सैनिक घाइते भएका छन ।धादिङको निलकण्ठ नगरपालिका–१२ घर भएका २२ वर्षीय सैनिक जवान राजेश श्रेष्ठ र सैनिक जवान२४ वर्षीय शान्ता नेपाली रहेको जिल्ला प्रहरी कार्यालय दाेलखाका प्रहरी निरीक्षक जीवन श्रेष्ठले जानकारी दिनुभयो ।
दुर्घटनामा परि हातमा चोट लागेका सैनिक जवान राजेशको दोलखास्थित धुलिखेल अस्पतालमा उपचार भइरहेको छ । अर्का घाइते सैनिक जवान नेपालीको टाउकोमा चोट लागेको र थप उपचारकालागि सैनिक अस्पताल छाउनी पठाइएको प्रनाउ श्रेष्ठले जानकारी दिनुभयाे ।
Leave a Reply