दाेलखा २ माघ ।पोखरामा विमान दुर्घटनामा परी निधन हुनेहरुको चीर शान्तिको कामना गर्दै दीप प्रज्वलन गरिएको छ । दुर्घटनामा परी निधन हुनेहरुको सदरमुकाम चरिकोटकाे सातदोबाटोमा चीर शान्तिको कामना गर्दै दीप प्रज्वलन गरिएको हो ।
नेपाल पत्रकार महासंघ दाेलखा र दाेलखाका युवाहरूले सातदोबाटोमा विमान दुर्घटनामा ज्यान गुमाएका नेपाल पत्रकार महासंघका केन्द्रीय सदस्य त्रिभुवन पौडेल सहित ७२ जना मृतकको चीर शान्तिको कामना गर्दै दीप प्रज्वलन गरेको हो ।
आइतबार बिहान १०ः३२ बजे त्रिभुवन विमानस्थलबाट पोखराका लागि उडेको यती एयरलाइन्सको कल साइन नाइनएन एएनसी फ्लाइट नम्बर ६९१ एटीआर ७२ जहाज करिब ११ बजेको आसपासमा पोखरा विमानस्थलबाट २ किलोमिटरको नजिककाे सेती नदीको खोचमा दुर्घटनाग्रस्त भएको थियो ।
७२ जना सवार विमानमा अहिलेसम्म ६९ मृत शरीर जम्मा गरिएको छ भने ३ जनाको खोजी कार्य जारी रहेको छ । मृतकको पोस्टमार्टमका लागि गण्डकी अस्पतालमा राखिएको छ ।
छुटाउनु भयो कि?
Leave a Reply