पब्लिक संवाददाता
शुक्रबार, असार १३, २०७६
0
दीपशंकर चौलागाई । गएराति फट्केबाट खोला तर्ने क्रममा चिप्लिएर खस्दा दोलखामा एक वृद्धको मृत्यु भएको छ।
बिहीबार राति ८ बजेतिर बिगु गाउँपालिका–६, आलम्पुका ७२ वर्षीय सार्की थामीको चिप्लिएर खोलामा खसेर मृत्यु भएको हो ।
आफ्नो घरबाट छिमेकी चिलंखा गोलेपा पाखामा रहेको गाईबस्तु गोठमा जानेक्रममा खोलामा बनाएको काठको फट्केबाट चिप्लिएर खोलामा खसेर मृत्यु भएको दोलखा प्रहरीले जनाएको छ।
खोलाले बगाएर करिब तीन सय मिटर तल मृत अवस्थामा थामीको शव फेला परेको प्रहरी नायब उपरिक्षक मान बहादुर राईले जानकारी दिनु भयो । घटनाबारे थप अनुसन्धान भइरहेको प्रहरीले जनाएको छ।
घटना स्थल सदरमुकाम चरिकोट बाट १६ कोष टाढा को दुरीमा रहेको छ ।
Leave a Reply