दीपशंकर चौलागाई
दोलखा ५ जेठ । सशस्त्र प्रहरीबल दोलखाले ५ दशमलव ५ फिट लामो चितुवाको छाला बरामद गरेको छ ।
तामाकोशी गाउँपालिका ५ किर्नेटार बाट एपिएफ दोलखाले ५ दशमलव ५ फिट लामो चितुवाको छाला बरामद गरेको हो ।
चितुवाको छाला बिक्री गर्न ल्याउदै गरेको गोप्य सुचनाको आधारमा सशस्त्र प्रहरी बल दोलखाका प्रहरी नायव निरिक्षक बद्री बाहदुर सोडारीको कमाण्डमा खटिएको प्रहरी गस्तीले गरेको जनाईएको छ । यही टोली गत जेठ १ गते पनि चितुवाको छाला बरामद गरेको थियो ।
चितुवाको छाला बरामत गरेपनि बिक्री गर्न ल्याउने व्यक्ति भने पक्राउ पर्न नसकेको र उनको खोजी कार्य भईरहेको सशस्त्र प्रहरी बल दोलखाका प्रमुख प्रहरी नायव उपरिक्षक किरण कुमार कठायतले बताउनु भयो ।
सशस्त्र प्रहरीबल दोलखाले आइतबार सदरमुकाम चरिकोटमा पत्रकार सम्मेलन गदै बरामद गरेको चितुवाको छाला डिभिजन बन कार्यालय चरिकोटलाई बुझाएको छ ।
Leave a Reply