पब्लिक संवाददाता
बिहिबार, साउन १७, २०७५
0
दोलखा, १७ साउन । दोलखाको जिरी नगरपालिका ३ माश्रीमान र श्रीमतीबीच झगडा हुँदा श्रीमानको मृत्यु भएको छ । घरायसी विवाद पछि झगडा हुदा श्रीमानको मृत्यु भएको जिल्ला प्रहरी कार्यालय दोलखाले जनाएको छ ।
जिरी नगरपालिका ३ मालीका ५५ वर्षीय नाम्गेल शेर्पाको मृत्यु भएको दोलखा प्रहरीले जनाएको छ । मदिरा सेवन गरि विवाद हुँदा श्रीमती आङल्हमु शेर्पाको पिटाईबाट श्रीमानको मृत्यु भएको बताईएको छ ।
यद्धपी घटनास्थलमा प्रहरी टोली खटिएकाले थप विवरण आउन बाँकी रहेको जिल्ला प्रहरी कार्यालय दोलखाका प्रहरी प्रवक्ता, प्रहरी निरिक्षक माधव काफ्लेले जानकारी दिए ।
घटनाको जानकारी लगत्तै ईलाका प्रहरी कर्यालय जिरीबाट प्रहरी निरिक्षक ज्ञानबहादुर तामाङको नेतृत्वमा टोली खटिएको र प्रहरी टोलीले थप अनुसन्धान गरि रहेको प्रहरीे निरिक्षक काफ्लेले बताए ।
छुटाउनु भयो कि?
