पब्लिक संवाददाता
बुधबार, माघ १०, २०७४
0
काठमाडौं, १० माघ ।सशस्त्र द्धन्द्धका घटना छानबिन गरी कारबाही सिफारिस गर्न बनेका दुई आयोगले प्रधानमन्त्री एवं कांग्रेस सभापति शेरबहादुर देउवा, पूर्वराजा ज्ञानेन्द्र शाह र माओवादी केन्द्रका अध्यक्ष पुष्पकमल दाहाल प्रचण्डलाई समेत बयानका लागि बोलाउने भएको छ। यो खबर श्यामसुन्दर पुडासैनीले आजको जनता पोष्टमा लेखेका छन्।
सत्य निरुपण तथा मेलमेलाप र बेपत्ता व्यक्ति छानबिन आयोगमा परेको उजुरीका आधारमा तत्कालीन द्धन्द्धरत पक्षका प्रमुखको हैसियतले दाहाल र सत्तापक्षका तर्फबाट देउवा र शाहसँग बयान लिन लागेको हो। शान्ति सम्झौताको ८ वर्षपछि गठीत दुबै आयोगले पटक-पटक म्याद थपिँदा पनि अनुभूती हुने गरी कुनै काम नभएको पीडितहरूबाट गुनासो आइरहँदा उजुरी परेको जो कोहीसँग बयान लिने काम तिब्र पार्ने बताइएको छ।
