काठमाडौं,२८ पुस। नेपाल चेम्बर अफ कमर्सको अध्यक्षमा पुनः राजेशकाजी श्रेष्ठ निर्वाचित भएका छन्।
चेम्बरको ६७औं वार्षिक साधारणसभाबाट श्रेष्ठको अध्यक्षतामा नयाँं कार्यसमिति निर्वाचित भएको हो। नवनिर्वाचित नयाँ कार्यसमितिको वरिष्ठ उपाध्यक्षमा राजेन्द्र मल्ल चयन भएका छन्।
यस्तै, कमलेशकुमार अग्रवाल उपाध्यक्ष (वाणिज्य), महेन्द्रमान श्रेष्ठ उपाध्यक्ष (उद्योग), दीपककुमार मलहोत्रा उपाध्यक्ष (जिल्ला, नगर), इच्छाराज तामाङ उपाध्यक्ष (वस्तुगत), नरेश श्रेष्ठ उपाध्यक्ष (संस्थागत) निर्वाचित भएका छन्।
यसैगरी,भाष्करराज राजकर्णिकार उपाध्यक्ष (विशिष्ट मानार्थ) गरी ६ जना उपाध्यक्षहरु सर्वसम्मत् चुनिएका छन्।
मुलुक संघीय संरचनामा गएसँगै चेम्बरको सांगठनिक संरचना पनि त्यहीअनुसार गएको छ।जसअनुसार सातओटा प्रदेशतर्फबाट प्रदेश नम्बर–१ मा पर्शुराम दाहाल, प्रदेश–२ मा पंकज जलान, प्रदेश–३ मा कृष्णमान श्रेष्ठ, प्रदेश–४ मा प्रमोद श्रेष्ठ, प्रदेश–५ मा भीमलाल पौड्याल, प्रदेश–६ मा दीपेन्द्रकुमार खत्री र प्रदेश–७ मा प्रकाश साउदले केन्द्रमा प्रतिनिधित्व हुने गरी निर्वाचित भएको चेम्बरले जनाएको छ।
