पब्लिक संवाददाता
बिहिबार, पुस २०, २०७४
0
पौष २०। हिजोआज सलमान खानको रियलिटी शो ‘बिग बोस’ पनि बलिउड सिनेमाहरु प्रमोट गर्ने प्लेटफर्म बनेको छ। शाहरुख खानदेखि अक्षय कुमार जस्ता स्टारहरु आफ्नो फिल्म प्रमोशन गर्नका लागि सलमान खानको शो मा आइसकेका छन्।
यसैबीच रानी मुखर्जी पनि आफ्नो फिल्म ‘हिचकी’ को प्रमोशन गर्न ‘बिग बोस सीजन ११’ मा पुग्दै छिन् । यसै शो मा सलमान खान र रानी मुखर्जी फेरी एक साथ देखिन लागेका हुन्।
बलिउड सिनेमा ‘चोरी चोरी चुपके चुपके’ र ‘हेल्लो ब्रदर’ जस्ता फिल्ममा यो जोडीले एक साथ काम गरेको थियो । सलमान र रानीबीच गहिरो मित्रतासमेत रहेको छ । ‘हिचकी’ को ट्रेलरमा रानी मुखर्जीको अभिनय दर्शकले मन पराइसकेका छन्। रानीको यो फिल्म २३ फेब्रुअरीमा दर्शक सामु आउने भएको छ।
