काठमाडौं ६ पुस । इङ्लिस प्रिमियर लिग फुटबलको दोस्रो स्थानमा रहेको म्यानचेस्टर युनाइटेडलाई पराजित गर्दै च्याम्पियनसीप क्लब ब्रिस्टोल सिटी लिग कप फुटबलको सेमिफाइनलमा प्रवेश गरेको छ।
गएराति अबे मैदानमा भएको खेलमा म्यानचेस्टर युनाइटेड २–१ गोलले स्तब्ध भएको हो । पहिलो हाफमा गोलरहित बराबरी भएको खेलको ५१ औं मिनेटमा ब्रिटोलले अग्रता लियो ।
त्यसपछि म्यानचेस्टर युनाइटेडले बराबरी गोल फर्काएको थियो । खेलको इन्जुरी समयको तेस्रो मिनेटमा ब्रिस्टोल सिटीले थप एक गोल गर्दै सेमिफाइनल यात्रा तय गर्न सफल भयो ।
अब ब्रिस्टोलले सेमिफाइलनमा प्रिमियर लिग लिडर म्यानचेस्टर सिटीसँग प्रतिस्पर्धा गर्ने छ ।
गएराति नै भएको अर्को खेलमा बर्नमाउथलाई हराउँदै चेल्सी पनि लिग कप फुटबलको सेमिफाइनलमा प्रवेश गरेको छ ।
घरेलु मैदानमा भएको खेलमा चेल्सीले बोर्नमाउथलाई २–१ ले हराएको हो । चेल्सीले अब सेमिफाइनलमा आर्सनलसँग प्रतिस्पर्धा गर्नेछ ।
