पब्लिक संवाददाता
शनिबार, मंसिर २३, २०७४
0
मंसिर २३- नेहा धुपियालाई बलिउडमा बिन्दास अभिनेत्रीका रूपमा लिइन्छ । आफ्ना नो–फिल्टर अभिव्यक्तिका कारण उनी बेला–बेलामा चर्चामा समेत आउँछिन् । हालै मात्र उनले आफ्नो करियर र संघर्षका बारेमा दिएको अभिव्यक्तिले उनलाई थप चर्चामा ल्याएको छ ।
अधिकांश अभिनेत्रीले पदार्पणका लागि बोल्ड चलचित्र छनोट नगर्ने परम्परा विपरीत यी अभिनेत्रीले चलचित्र जुलीमा यौनकर्मीको भूमिका निर्वाह गर्दै अभिनय यात्रा प्रारम्भ गरेकी थिइन् । चलचित्र असफल भए पनि नेहा स्थापित भइन् ।
नेहाले विगतमा आफूले निर्वाह गरेका भूमिकाका कारण कहिले कुनै पछुतो नमानेको स्पष्ट पारेकी छिन् । नेहा भन्छिन्– जूलीमा मैले यौनकर्मीको भूमिका निर्वाह गरेकोमा कुनै पछुतो छैन । त्यस प्रकारका चलचित्रहरू आजको मितिमा प्रदर्शन हुने हो भने धेरै एवार्ड जित्न सक्छन् ।- एजेन्सी
