पब्लिक संवाददाता
शनिबार, मंसिर ९, २०७४
0
ताप्लेजुङ : सदरमुकाम फुङलिङमा मतदाता परिचयपत्र भइरहेका बेला बम विस्फोट भएको छ। भानु मावि मतदान केन्द्रमा मतदातालाई परिचयपत्र वितरण जारी रहेका बेला शनिबार दिउसो पौने २ बजेतिर विस्फोट भएको हो। विस्फोटमा मानवीय क्षति भएको छैन।
मतदानका लागि महिला तथा पुरुषको लाइन व्यवस्थापन गर्न बनाइएको बारमा विस्फोट भएपछि अहिले उक्त मतदान केन्द्रमा सेना तथा प्रहरीले घेरा हालेको छ। कर्मचारी तथा परिचयपत्र लिन गएका मतदाताहरूलाई भने बाहिर निकालिएको छ।
सेना तथा प्रहरीको सुरक्षा कायम रहेका बेला मतदान केन्द्रभित्र कसले विस्फोटक पदार्थ लग्यो खुल्न सकेको छैन।
मतदान अधिकृत कुवेर नेपालीले यस्तो अवस्थामा निर्वाचन गराउन कठिन हुने भन्दै थप सुरक्षाको प्रत्याभूति गर्न अनुरोध गरेका छन्।
